Nakaraos ang Nxled Chameleons sa mahigpit na ikalawang set para sa 3-0 (25-18, 28-26, 25-18) panalo laban sa Capital1 Solar Spikers na nagbigay sa kanila ng ikalawang sunod na panalo sa 2026 Premier Volleyball League All-Filipino Conference nitong Pebrero 7 sa Ynares Center Montalban.
Pinangunahan nina Brooke Van Sickle at Myla Pablo ang Chameleons na parehong umiskor ng 15 puntos para i-angat ang koponan sa tuktok ng standings na may 2-0 record kasama ang Cignal.
Mula umpisa ng laro, bantay-sarado ang Chameleons sa Solar Spikers para tiyakin na mabilis nila itong mapipigilan.
Naitabla ang iskor, 11-all, sa ikatlong set bago magbigay si Myla Pablo ng tatlong puntos na kalamangan para sa Nxled, 16-13.
Sa pagtatapos ng laro, tuluyang lumayo ang Chameleons sa pagtala nila ng 7-3 run para maabot ang kanilang pinakamalaking kalamangan na pitong puntos.
Tatangakaing patalsikin ng Nxled ang Cignal sa rurok ng standings sa susunod na Sabado, Pebrero 14, sa Ynares Center Antipolo, habang ang Capital1 ay makakalaban ang PLDT upang makabalik sa landas sa Huwebes, Pebrero 12, sa FilOil Center sa San Juan.
Written by Janette Cendaña, Insight PH
Janette Cendaña, Insight PH is a dedicated campus journalist and contributor. Their insightful writing sparks meaningful conversations and keeps the community informed.
