Kinumpirma nang Philippine National Police (PNP) na planado ang naganap na pamamaril sa San Jose National High School sa Tacloban City na ikinasawi ng tatlong estudyante at ikinasugat ng mahigit 20 iba pa.
Ayon sa imbestigasyon ng PNP, dalawang suspek na edad 14 at 15 ang nagsagawa ng pag-atake at gumamit ng dalawang baril, kabilang ang isang 9mm pistol na pag-aari ng isang pulis na tiyahin ng isa sa mga suspek, na ngayon ay iniimbestigahan dahil sa posibleng kapabayaan sa pag-iingat ng armas.
Lumabas sa paunang imbestigasyon na ang mga suspek ay matagal nang nagplaplano ng pag-atake at umano’y may alegasyon ng pambu-bully na posibleng naging motibo, bagama’t patuloy pa itong inaaral ng mga awtoridad.
Ayon sa isang police spokesperson sa panayam ng media, “We really don’t prepare for this kind of incident,” na tumutukoy sa kakulangan ng kahandaan sa mga ganitong uri ng karahasan sa paaralan.
Dagdag pa ng mga awtoridad, mabilis na nagkagulo ang mga estudyante sa gitna ng insidente, kung saan marami ang hindi alam ang gagawin at nagtakbuhan sa iba’t ibang direksyon upang makaligtas.
Hindi bababa sa 15 sa mga sugatan ang tinamaan ng bala habang ang iba ay nagtamo ng pinsala dahil sa pagmamadali at pagtakbo palabas ng gusali.
Sa kasalukuyan, nasa kustodiya na ng mga awtoridad ang dalawang menor de edad na suspek habang nagpapatuloy ang malalimang imbestigasyon.
Patuloy ring inaalam ng mga awtoridad ang tunay na motibo ng insidente, kasabay ng panawagan para sa mas mahigpit na seguridad sa mga paaralan sa buong bansa.
Written by Gian Russel Asuncion, Insight PH
Gian Russel Asuncion, Insight PH is a dedicated campus journalist and contributor. Their insightful writing sparks meaningful conversations and keeps the community informed.
