Sinelyuhan ng University of the Philippines (UP) ang kanilang tiket sa Final Four ng UAAP Season 88 men’s basketball matapos talunin ang University of Santo Tomas (UST), 82-81, na ginanap sa Smart Araneta Coliseum noong Disyembre 3.
Nagmartsa ang UP sa ikalima nilang Finals appearance matapos ang isang dikit at kapanapanabik na sagupaan kontra Growling Tigers.
Gayunpaman, may hawak na twice-to-beat advantage ang Fighting Maroons kasama pa ang depensang naging susi sa kanilang pagkapanalo.
Bumalikwas ang sitwasyon nang magpakawala ng go-ahead three pointer sa dulo ng laro si Terrence Fortea mula 79-81 patungong 82-81 sa huling 45 segundo.
“I’m very proud of our team, responding to that situation down the stretch,” ani Goldwin Monteverde, State U head coach.
Tumirada ng 22 puntos si Harold Alarcon na may kasamang dalawang rebounds. Samantala, umambag ng siyam na boards, tatlong blocks, at dalawang steals si Francis Nnoruka.
Sa kabilang banda, umiskor ng 24 puntos si Nic Cabañero, tatlong rebounds, at tatlong assists sa naging huling UAAP game niya, habang tinapos naman ni Forth Padrigao ang kanyang collegiate career na may anim na puntos at apat na assists.
Naghihintay ngayon ang UP sa mananalong Final 4 na laban ng De La Salle University at National University na magaganap sa Sabado, 3:30 p.m., sa Big Dome pa rin.
Written by Ackee Parungo, Insight PH
Ackee Parungo, Insight PH is a dedicated campus journalist and contributor. Their insightful writing sparks meaningful conversations and keeps the community informed.
