Kapag si Fajardo ang kumambyo, markado ang kampeonato.
Nilupig ng San Miguel Beermen ang TNT Tropang 5G sa pangunguna ni June Mar Fajardo matapos magposte ng double-double sapat upang maipuslit ang 92-77 panalo at angkinin ang back-to-back title sa Game 6 ng PBA50 Cup Finals na ginanap sa Mall of Asia Arena, Pebrero 1.
Pinamunuan ni 13-time Best Player of the Conference Fajardo ang pagratsada ng San Miguel sa bisa ng 29-point at 23-rebound outing na nagmitsa para wakasan ang pag-abante ng TNT at mapasakamay ang Finals Most Valuable Player award.
"Masayang-masaya na nakuha namin itong championship," saad ni San Miguel Center sa isang panayam ng ABS-CBN pagkatapos ng laban.
Maagang nag-init si 9-time Season MVP Fajardo sa opening quarter matapos kumamada ng 10 puntos sa likod ng 5-5 shooting na umakay upang maipundar ang 26-5 lead at kontrolin ang unang quarter.
Samantala, nagpatuloy ang momentum ni Fajardo sa bisa ng matitikas na lay-ups at rim defense dahilan upang malimitahan sa 19 combined-points sa first at fourth quarter ang TNT at tuldukan ang laban sa anim na laro.
Dahi dito, itinanghal si Fajardo bilang Finals MVP at kauna-unahang manlalaro na nakatanggap ng Ramon Fernandez trophy matapos magtala ng 19.7 points, 18.3 boards, 1.7 assists, at isang block sa buong six-game Final’s series.
Written by Florenz Gie Abit, Insight PH
Florenz Gie Abit, Insight PH is a dedicated campus journalist and contributor. Their insightful writing sparks meaningful conversations and keeps the community informed.
