Pinatnubayan ni Chester Mateo ang National University Nazareth School (NUNS) sa isang pitcher’s duel dahilan upang maungusan ang University of Santo Tomas (UST) at masikwat ang 4-3 panalo sa UAAP Season 88 High School Baseball Tournament nitong Miyerkules sa Rizal Memorial Baseball Stadium.
Nagpakawala ang Bullpup’s right-handed pitcher ng pulidong no-relief masterpiece para matamo ang top spot sa nasabing torneyo.
Nagsanhi ito upang mapagtagumpayan niya ang apat na hit at tatlong runs kontra sa earstwhile leader ng Junior Golden Sox.
Nagtala rin ang 18-anyos ng anim na strikeout sa hanay ng UST dahilan upang umusad ang talaan sa 4-2.
Bunsod nito, nagpahayag si NUNS head coach Romar Landicho ng obsebasyon niya sa laro ni Mateo, “Surprisingly, kinaya niya buong laro. Actually, this is the first time na makita ko siyang ganyan magperform. Sana magtuloy-tuloy.”
Bago pa man tuluyang manalo, umeskapo ang naturang koponan sa 2-2 kartada sa kasagsagan ng eight inning nang sinamantala nila ang dalawang costly errors ng UST.
Kasunod nito, rumatsada si Justine Lauriquez sa ikatlong base matapos mapasobra ng tapon sa second base si Golden Sox Jr. catcher Lance Bonifacio.
Mula roon, umambag ng puntos si Lauriquez matapos ng catching error ni UST first baseman Nash Ortiz na nagbigay sa NUNS ng 3-2 kalamangan at mas pinakunat pa ng 4-2 sa ninth.
Tuluyang ipinasakamay ng NUNS ang thrilling victory sa paghagis ni Jericho Catchero ng bola sa first base galing sa grounder ni Leshem Dawilan, kung saan muntik niya nang hindi masalo.
Naging malaking tulong ang 2-for-3 na may kasamang triple ni Mateo na sinegundahan pa ng pangunguna ni Lauriquez sa opensa sa pamamagitan ng tatlong hits at isang stolen base sa pagkamit nila ng top spot sa tunggalian.
Written by Rhan Saloma, Insight PH
Rhan Saloma, Insight PH is a dedicated campus journalist and contributor. Their insightful writing sparks meaningful conversations and keeps the community informed.
