Patuloy na umarangkada si Alex Eala sa larangan ng tennis matapos niyang makamit ang bagong career-high world ranking No. 45 sa Women's Tennis Association (WTA) nito lamang Lunes, Pebrero 2, dahilan para manatili sa kamay niya ang pinakamataas na ranggo sa kasaysayan ng Philippine tennis.
Bunsod nito, nalampasan ng Filipina tennis star ang dati niyang record na No. 49, at kasalukuyang may hawak na 1,163 puntos.
Pinalakas ito ng kamakailan niyang stint sa WTA125 Philippine Women’s Open, kung saan nagtapos siya bilang quarterfinalist matapos madaig ni Camila Osorio ng Colombia, 4-6, 4-6, noong Enero 29.
Magtatangka muli si Eala na pataasin ang kaniyang ranggo sa darating na WTA500 Mubadala Abu Dhabi Open ngayong 10:10 PM, Lunes ng gabi, para harapin si world No. 79 Zeynep Sönmez.
Written by Janette Cendaña, Insight PH
Janette Cendaña, Insight PH is a dedicated campus journalist and contributor. Their insightful writing sparks meaningful conversations and keeps the community informed.
