Winalis ng Aurora Gaming PH ang Team Spirit sa Day 5 Swiss stage ng M7 World Championship para makopo ang decisive 2-0 panalo at masiguro ang knockout stage berth kagabi sa Jakarta, Indonesia.
Nanatiling madulas ang RORA upang mahigitan ang kanilang naduhaging M6 World Championship run noong nakaraang taon.
Naging maalat man ang panimula ng RORA nang manduhan ng Team Spirit ang gold lane at jungle objectives, bumalikwas naman si Edward 'Edward' Dapadap sa kaniyang Sora sa 19-minute Lord clash dahilan upang mapatumba ang Claude ni Anton 'Hiko' Pak.
Napasakanila ng Team Spirit ang Lord objective, subalit muling bumawi ang RORA nang pumitas ang Harith ni Dominic 'Domengkite' Del Mundo ng double kill para sa full wipeout trade.
Tuluyang pinataob ng RORA ang Game 1 nang pumasada sila sa midlane tungo sa base ng Team Spirit at ipiniid ang laban.
Sumunod ang Game 2 na nakaayon sa RORA ang upperhand matapos ang 1-for-4 trade sa 5-minute turtle fight.
Gayunpaman, naibawi ni Alexander 'Oneshot' Sharkov ang Team Spirit sa kaniyang 10-minute Lord steal gamit ang Spatial Migration at Energy Ball combo ni Guinevere.
Sa kasamaang palad, hindi ito naging sapat para ipawalang-bisa ang momentum ng RORA na nagsanhi ng pag-ani ng Granger ni Domengkite ng double kill kahit na sinubukan ng Team Spirit na patumbahin ang bottomlane inhibitor turret.
Sa pamamagitan ng conceal at shortcut ultimate ng Chip ni Dylan 'Light' Catipon, tinuldukan ng Aurora PH ang laban.
Tutumbok ang Aurora Gaming PH sa gaganaping Knockout stage ngayong Enero 18-24 sa parehong bulwagan.
Written by Rhan Quinnet G. Saloma, Insight PH
Rhan Quinnet G. Saloma, Insight PH is a dedicated campus journalist and contributor. Their insightful writing sparks meaningful conversations and keeps the community informed.
