Inaasahang magkakaroon ng malaking rollback sa presyo ng diesel sa susunod na linggo, tinatayang nasa pagitan ng ₱8.80 hanggang ₱10.80 kada litro, ayon sa isang industry source nitong Biyernes.
Kasunod ito ng pagbaba ng global oil prices habang inaabangan ng merkado ang developments sa peace talks sa pagitan ng United States at Iran.
Matapos naman ang ilang linggo ng tensyon sa pandaigdigang merkado ng langis na nagdulot ng pagtaas sa presyo ng krudo, posibleng magkaroon ng pag-stabilize ng oil market dahil sa mga ulat ng ceasefire.
Dahil dito, ang inaasahang rollback ay maaring magdulot ng agarang kaginhawaan sa sektor ng transportasyon, lalo na sa mga tsuper ng pampublikong sasakyan.
Inaasahan din ang pagbaba ng arawang gastos sa krudo na maaring makatulong upang mapanatili o madagdagan ang kanilang kita sa kabila ng mababang pamasahe dahil sa mas murang diesel.
Gayunpaman, nagbabala ang mga local industry players na maaaring pansamantala lamang ang naturang pagbaba ng presyo, dahil nananatiling hindi tiyak ang katatagan ng kasunduan at ang galaw ng pandaigdigang suplay ng langis.
Patuloy pa rin ang pagmamasid ng mga eksperto sa galaw ng oil market sa gitna ng umiiral na geopolitical tensions at mga posibleng susunod na developments.
Written by Gian Russel Asuncion, Insight PH
Gian Russel Asuncion, Insight PH is a dedicated campus journalist and contributor. Their insightful writing sparks meaningful conversations and keeps the community informed.
